Timor-oan Nain Tolu-Nulu-Resin-Sia Gradua ho Susessu Husi USAID Nia Programa Sistema Komando Insidente Nudar Treinador Prinsipal

Dili, Juñu 14, 2024 - Ohin, Timor-oan Treinador Prinsipal Sistema Insidente Komando (ICS) hamutuk nain 39, inklui feto na’in neen no mane na’in tolu-nulu-resin-tolu, gradua husi programa nebé suporta husi Estados Unidos Nia Ajensia ba Dezenvolvimentu Internasional (USAID). ICS hanesan abordajen estandarizadu ba koordensaun ba respondente emerjénsia sira. Treinador Prinsipal sira nebé gradua mai husi instituisaun oi-oin inklui Autoridade Protesaun Sivil, Policia Nacional de Timor-Leste (PNTL), Departamentu Ambiental, Bombeiros, Departamentu Ambulansia, no Organizasaun Internasional ba Migrasaun (OIM) nia funsionariu sira husi sentru emerjensia dezastre nian.

Hahu iha tinan 2014, Estados Unidos apoiu ona $675,000 ba treinamentu responde emergensia ba Timor-Leste liu husi ninia Gabinete Apoiu Humanitaria (BHA). Ami nia parseria ho Serbisu Floresta Estados Unidos (USFS) atu integra komponente relevante husi Estados Unidos nia Sistema Nasional Jestaun Insidente (SNJI) iha sistema jestaun dezastre nasaun parseiru sira nian.

Liu husi programa rejional ida ne’e, USFS apoiu Governo Timor-Leste atu dezenvolve no hasa’e kapasidade ICS no hasa’e kapasidade funsionariu nasional sira-nian atu responde ba dezastre nasional liu husi treinamentu nebé detallu, ezersisiu, mentoria, no simulasaun sira.

“Hau hein katak ho prezensa husi ami nia Treinador Prinsipal ICS nian nebé graduadu iha Timor-Leste, ita bele habelar kuñesimentu ICS ba instituisaun relevante sira, tulun atu oferese responde prioridade durante krize oi-oin iha futuru,” hato’o husi Vise Cheffe da Missaun Interinu Embaixada Estados Unidos Dili, Eric Sheffield.

Eventu graduasaun Treinador Prinsipal ICS nian atende husi reprezentante Embaixada Estados Unidos nian Eric Sheffield, Sekretariu do Estadu ba Protesaun Sivil Domingos Mariano Reis, Prezidene Autoridade Protesaun Sivil Ismael da Costa Babo, USFS nia Jestor Programa Martha Williamson, Cheffe Misaun Interinu IOM Kristina Carreon, no reprezentativu husi instituisaun responde emerjensia sira iha Timor-Leste hanesan, PNTL, Bombeiros, Departamentu Ambulansia, no instituisaun relevante sira seluk.

Kona ba USAID: Liuhusi USAID, Embaixada Estadus Unidus ba Timor-Leste kontribui ona osan hamutuk millaun $92 entre 2021 no 2025, hodi hadi’a ekonomia Timor-Leste nian no promove governasaun di'ak. Dezde restaurasaun Independénsia Timor-Leste nian, USAID kontribui ona millaun $323 resin hodi promove dezenvolvimentu inkluzivu pasífku atu nasaun ne’e prósperu, saúdavel, no autosufisiente.

Media Laloran Tasi Mane

14 Juñu 2024