Timor-Leste Tama iha Lista Livre Visa

Akordu resiproku liga ho Timor-Leste nia aplikasaun ba membru ASEAN

Gabinete aseita ona akordu livre visa entre Tailandia ho Timor-Leste, atu vizitor sira bele hela iha nasaun refere durante loron 30 hafoin tama iha nasaun nebé temi.

Bazeia ba Casa Governu, rezolusaun nebé realiza iha loron Tersa-feira responde ba propozal husi governu Timor-Leste nudár pasu preparasaun atu tama iha membru ASEAN.

Nasaun rua planu ona atu assina akordu kona-bá promesa livre visa iha loron Tersa-feira.

Ministru Negosiu Estranjeiru hato’o ba gabinete katak livre visa maka rekezitu ida ba Timor-Leste atu hola-parte iha ASEAN hodi sai hanesan membru.

ASEAN fó ona oportunidade ba Timor-Leste iha tinan 2022 atu sai hanesan observadór nudar parte ida husi mapa-viál hodi sai membru definitivu ba dala-11 husi bloku refere.

Iha mapa-viál refere, Timor-Leste tenke assina akordu xavi hamutuk 66 inklui Akordu Komérsiu Merkadoria ASEAN nian.

Timor-Leste iha populasaun kuaze millaun 1,3 no 91% husi ninia populasaun tama iha relijiaun Katólika Roma.

Foin lalais ne'e Tailandia ho agresivumente haluan programa livre visa atu bele atrai ka dada turista sira husi nasaun seluk. Fulan kotuk, gabinete aseita atu haluan nasaun sira nebé tama iha kriteria atu tama iha lista nasaun livre visa husi 57 sai 93.

FONTES: https://www.bangkokpost.com/thailand/general/2813905/timor-leste-added-to-visa-free-list

19 Juñu 2024

Media Laloran Tasi Mane